![](/static/articles/01/37/02/l-lbRbTG0EJk.jpg)
«Հրապարակ». «Հարգելի հանգուցյալներ, խնդրում ենք չգաք ընտրության»
Արմավիրի թիվ 20 ընտրատարածքում առաջադրված ՀԱԿ թեկնածու Մերուժան Աբրահամյանը երեկ «Հրապարակի» լրագրողին ասել է, որ իրենց ընտրատարածքը բացառություն չէ՝ այստեղ եւս ընտրացուցակներն ուռճացված են:
Օրինակ, Մեծամորում 1990 թվին է բնակչության թիվն ամենամեծը եղել՝ մոտ 12 հազար մարդ: «Դրանից հետո տարեցտարի նվազել է, մարդիկ գնացել են, եւ իմ հաշվարկներով՝ բնակչության թիվն այսօր առավելագույնը 9 հազար պետք է լիներ: Մինչդեռ ընտրողների թիվն է այսօր 9 հազարի հասնում: Դե, թող հանեն, ինչո՞ւ չեն հանում այդ չեղած մարդկանց»:
Աբրահամյանը պատմել է, որ մի քանի օր առաջ իր թիմի երիտասարդները հավաքվել-գնացել են գերեզմանոց, որտեղ մեգաֆոնով հայտարարել են. «Հարգելի հանգուցյալներ, խնդրում ենք չգաք ընտրության»:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել