Խորհրդարանում մեկնարկել է սահմանային իրավիճակի վերաբերյալ դռնփակ քննարկում: Նիստը նախաձեռնել են ընդդիմադիր պատգամավորները:

Նշենք, որ նիստում հարակից զեկուցմամբ են հանդես գալու զինված ուժերի գլխավոր շտաբի պետի առաջին տեղակալ Կամո Քոչունցը և Ազգային անվտանգության ծառայության սահմանապահ զորքերի հրամանատար Արման Մարալչյանը: Օրակարգը վերաբերում է Հայաստանի Հանրապետության և Ադրբեջանի Հանրապետության շփման գծում տիրող իրավիճակին և սահմանազատման հարցերին:

Հիշեցնենք, որ ընդդիմությունը տևական ժամանակ նման թեմայով քննարկում էր պահանջում, սակայն նիստ չէր կայանում: