Խորհրդարանը հերթական նիստում առաջին ընթերցմամբ ընդունեց «Տոների և հիշատակի մասին» օրենքում փոփոխություն կատարելու կառավարության ներկայացրած նախագիծը, ըստ որի՝ ամանորյա ոչ աշխատանքային օրերը կարող են կրճատվել: Այն ընդունվեց 53 կողմ, 16 դեմ և 3 ձեռնպահ ձայներով:

Կառավարությունն առաջարկում է ոչ աշխատանքային համարել դեկտեմբերի 31-ը, հունվարի 1-ը և 6-ը, մյուս տոնական օրերը դարձնել աշխատանքային: Հիշեցնենք, որ նախագիծը դեռևս երկրորդ ընթերցմամբ պետք է քննարկվի ու քվեարկվի: