Արցախի Ազգային անվտանգության ծառայությունը նոյեմբերի 8-ին տեղեկություններ է ստացել, որ ժամը 15։00-ի սահմաններում Շուշի քաղաքի մոտակա խաչմերուկում ադրբեջանական կողմից կրակոցներ են արձակվել տվյալ վայրում ջրատար խողովակների վրա աշխատանքներ կատարող քաղաքացիական անձանց վրա:

Ստեփանակերտի հիվանդանոց է տեղափոխվել չորս քաղաքացիական անձ, որոնցից մեկը մահացել է, երեքին ցուցաբերվում է բժշկական օգնություն:

«Դեպքի հանգամանքները պարզելու ուղղությամբ այս պահին Ազգային անվտանգության ծառայության, ոստիկանության օպերատիվ խմբերի և քննչական կոմիտեի քննիչների կողմից կատարվում են օպերատիվ-հետախուզական և քրեադատավարական միջոցառումներ»,- հայտնում է Արցախի ԱԱԾ-ն:

Լուսանկարը՝ «Հետքի» արխիվից