Ազգային-ժողովրդավարական բևեռը այսօր՝  նոյեմբերի 9-ին, հանրահավաք անցկացրեց Ազատության հրապարակում, որից հետո տեղի ունեցավ ջահերով երթ դեպի Ռուսաստանի Դաշնության դեսպանության շենք։

Երթից առաջ Բևեռի խորհուրդն ու հանրահավաքի մասնակիցները երդվեցին։

«Մենք թևակոխում ենք մոբիլիզացիայի մի նոր վիճակ, և մոբիլիզացիայի համար ու մեր նպատակի համար հարկ է, որ մենք նաև հոգեբանորեն մոբիլիզացվենք ավելի բարձր որակական մակարդակում։ Առաջարկում ենք միասին երդվել պայքարին հավատարիմ մնալու և շարունակելու համար»,- հայտարարեց Վարուժան Ավետիսյանը։