«Մենք չենք կարողանում հոգատարություն տեսնել մեր իշխանություններից, մեր պետության մեջ մենք հովանավորության ենթակա չենք: Մենք տեսնում ենք աղքատություն, տեսնում ենք անգործություն, և վերջ չկա այդ աղքատությանը ու անգործությանը: Մենք տեսնում ենք արտագաղթ, տեսնում ենք մարդիկ, որ լքում են այս երկիրը, լքում են անպաշտպան սահմանները: Թուրքերը հասնում են մինչև գյուղ մեզ հարվածելու համար, որովհետև մեր երկրում մարդ չի մնում, որովհետև այս ժողովրդին հոգատարություն ցույց տվող չկա, որովհետև չկա մեկը, որ մտածի'ինքը այս երկրում պետք է ապրի ժողովրդի հետ միասին»,-այսօր վանաձորցիների հետ հանդիպման ժամանակ իր ելույթում նշեց ՀՅԴ բյուրոյի անդամ Հրանտ Մարգարյանը:

«Քվեն զենք է». դաշնակները վանաձորցիներին հորդորեցին ճիշտ օգտագործել այն:

Ներկայացնելով Վանաձորում պատգամավորի իրենց թեկնածուին'Զոհրապ Թորոսյանին'դաշնակները, ի թիվս նրա արժանիքների, ընդգծեցին, որ նա ճամբար չի փոխել և վստահեցրին, որ չի փոխի մինչև վերջ: Հավաստեցին նաև, որ Դաշնակցությունը եղել և մնում է բացարձակ ընդդիմություն: