Հայաստանի Հանրային հեռուստաընկերության եթերում Անվտանգության խորհրդրի քարտուղար Արմեն Գրիգորյանը հայտնեց, որ Ադրբեջանի կողմից Հայաստանի արևելյան սահմանին կատարված հարձակման առիթով ՀՀ-ն դիմել է Ռուսաստանի Դաշնությանը։

«Քանի որ հարձակումը եղել է Հայաստանի սուվերեն տարածքի վրա, ապա մենք դիմում ենք Ռուսաստանին՝ Հայաստանի և Ռուսաստանի միջև 1997 թվականի պայմանագրի շրջանակում Հայաստանի տարածքային ամբողջականությունը պաշտպանելու կոչով և համաձայնագրի շրջանակում փոխադարձ պարտականություններն իրագործելու տրամաբանության շրջանակներում»,- նշել է Անվտանգության խորհրդի քարտուղար Արմեն Գրիգորյանը։

Ըստ նրա՝ սա բանավոր դիմում է, որը նաև գրավոր ընթացակարգ է ունենալու։

«Ակնկալում ենք, որ ՌԴ-ն օգնություն կտրամադրի և հնարավորություն կունենանք Հայաստանի տարածքային ամբողջականությունը վերականգնելու»,- ասել է Արմեն Գրիգորյանը։