Երասխահուն գյուղում 13-ամյա աղջիկ են առևանգել․ հարուցվել է քրգործ
Ոստիկանությունը հայտնում է, որ նոյեմբերի 15-ին Երասխահուն գյուղում 13 տարեկան աղջիկ են առևանգել։ Դեպքի մասին Արմավիրի բաժնում տեղեկացել են օպերատիվ կառավարման կենտրոնից. աղջկա մայրը 1-02 է զանգել։ Երասխահուն մեկնած խումբը պարզել է, որ անչափահասին առևանգել էին դպրոցից տուն վերադառնալու ճանապարհին։
«Նրան, ամուսնության նպատակով, իր «ՎԱԶ-2107» մակնիշի մեքենայով, ընկերների հետ առևանգել էր նույն գյուղի 22-ամյա մի բնակիչ։ Ոստիկանները նշված անձանց հայտնաբերելու ուղղությամբ միջոցառումներ էին ձեռնարկում, երբ ժամը 23.30-ի սահմաններում օպերատիվ կառավարման կենտրոնից նոր ահազանգ է ստացվել: Անչափահասին փախցրած երիտասարդի ընտանիքի անդամները հաղորդում էին տվել, որ աղջկա հարազատները վնասել են իրենց մեքենան, ծեծել ընտանիքի անդամներին։
Նոյեմբերի 16-ին երիտասարդը Ծաղկալանջ գյուղում հայտնաբերվել է աղջկա հետ, և բերման ենթարկվել բաժին։ Նույն օրը Երասխահուն գյուղից բերման ենթարկվեցին նաև նրա ընկերները։ Փաստի առթիվ հարուցվել է քրեական գործ։ Կասկածյալները ներկայացվել են Արմավիրի մարզային քննչական վարչություն և ձերբակալվել»,- ասված է ոստիկանության տարածած հհաղորդագրությունում։
Մեկնաբանել