«Դիատոմիտ» գիտաարտադրական ՓԲԸ-ն ապօրինի ջրառ է իրականացրել
Բնապահպանության և ընդերքի տեսչական մարմնի աշխատակիցները «Դիատոմիտ» գիտաարտադրական ՓԲԸ-ում իրականացրել են ստուգում և պարզել, որ Ընկերությունն իր սեփական տարածքում առկա խորքային հորից ոռոգման նպատակով, առանց ջրօգտագործման թույլտվության, իրականացրել է ապօրինի ջրառ՝ 270873խմ ջրաքանակով։
Տեսչական մարմնի հաղորդմամբ՝ ջրային ռեսուրսների վրա տնտեսական գործունեության հետևանքով առաջացած ազդեցության գնահատման հաշվարկի համաձայն՝ վնասի հատուցման չափը կազմել է 2.437.857 դրամ: Նաև նշանակվել է 300.000 դրամի չափով վարչական տուգանք։ Առանց ջրօգտագործման թույլտվության խորքային հորն օգտագործելու գործողությունը կասեցվել է։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել