Քաղաքաշինության, տեխնիկական և հրդեհային անվտանգության տեսչական մարմինը տեղեկացնում է, որ Պարեկային ծառայության հետ դեկտեմբերի 2-ին համատեղ դիտարկել է Շենգավիթ վարչական շրջանի հանրային տրանսպորտը։

«Երևանի տրանսպորտի անվտանգության բաժանմունքի մասնագետները դիտարկել են Շենգավիթ վարչական շրջանով ուղևորափոխադրում կատարող 40 տրանսպորտային միջոց։ Արդյունքում՝ հայտնաբերվել է գերբեռնված ուղևորափոխադրում կատարող  տրանսպորտային  միջոց և առանց դիմակի վարորդ։ Խախտումների հիմքով կազմվել է 3 վարչական արձանագրություն։

Հանրային տրանսպորտի նկատմամբ վերահսկողությունը կշարունակվի նաև վաղը»,- նշված է հաղորդագրության մեջ։