Ադրբեջանցիները առևանգել և սպանել են Ճարտարի 65-ամյա բնակչին
Մարտունու շրջանի Ճարտար քաղաքի 65-ամյա բնակչին ադրբեջանցիները սպանել են։ Այս մասին հայտնում է Արցախի Մարդու իրավունքների պաշտպան Գեղամ Ստեփանյանը։
Հիշեցնենք, որ ավելի վաղ Արցախի ԱԱԾ-ն տեղեկացրել էր, որ այսօր Ճարտար քաղաքի բնակիչը մոլորվել էր՝ հայտնվելով Ադրբեջանի վերահսկողության տակ գտնվող տարածքում և գերեվարվել։
«Այսօր Ճարտար քաղաքի 65-ամյա բնակիչ Ս.Ս. մոլորվել և հայտնվել էր Ադրբեջանի զինված ուժերի վերահսկողության տակ գտնվող տարածքում, որից հետո Ադրբեջանի զինված ուժերի ներկայացուցիչները առևանգել և հարկադրաբար նրան տեղափոխել են իրենց թիկունք:
Քաղաքացին զբաղվում էր անասնապահությամբ:
Արդեն իսկ ճշտված տեղեկություններով ադրբեջանցիները սպանել են Արցախի խաղաղ բնակչին:
Սպանությունը Ադրբեջանի հանցավոր և ահաբեկչական գործողությունների, ինչպես նաև հայերի նկատմամբ լայնածավալ և համակարգային հետապնդման քաղաքականության դրսևորում է:
Խաղաղ բնակավայրերի մոտակայքում Ադրբեջանի մարտական հենակետերն ուղիղ և անհերքելի սպառնալիք են Արցախի խաղաղ բնակչության կյանքի իրավունքի և ֆիզիկական ու հոգեբանական անձեռնմխելիության համար»,- գրել է Ստեփանյանը։
Լուսանկարը՝ Ճարտար քաղաքի ֆեյսբուքյան էջի
Մեկնաբանել