17։00-ի դրությամբ ՏԻՄ ընտրություններին մասնակցել է քաղաքացիների 33,8%-ը
Հայաստանում դեկտեմբերի 5-ին ընթացող տեղական ինքնակառավարման մարմինների ընտրություններին ժամը 17։00-ի դրությամբ ընտրելու իրավունք ունեցող 1 մլն 112 հազար 396 քաղաքացիներից քվեարկությանը մասնակցել է 376 003-ը կամ 33,8%-ը։ Մասնակցության վերաբերյալ տվյալները հրապարակել է Կենտրոնական ընտրական հանձնաժողովը։
Հիշեցնենք, որ այսօր տեղական իշխանություններ են ընտրում Հայաստանի 38 համայնքներում։
Ընտրողների ակտիվության ամենաբարձր ցուցանիշը 17։00-ի դրությամբ գրանցվել է Լոռու մարզի Թումանյան համայնքում։ Այստեղ ընտրելու իրավունք ունեցող 5029 քաղաքացուց քվեարկությանը մասնակցել է 3166-ը կամ 62,95%-ը։
Ամենապասիվ համայնքը Արմավիրն է։ Այստեղ ընտրելու իրավունք ունի 44 452 քաղաքացի, քվեարկությանը մասնակցել է 6276-ը կամ ընդամենը 14,12%-ը։
Հիշեցնենք, որ ընտրատեղամասերը բացվել են առավոտյան 08։00-ին և փակվելու են 20։00-ին։
Լուսանկարը՝ Անի Սարգսյանի
Մեկնաբանել