ՔՏՀԱ տեսչական մարմինը Էրեբունիում և Նուբարաշենում հակահամաճարակային կանոնների 4 խախտում է հայտնաբերել
Այսօր՝ դեկտեմբերի 6-ին, Քաղաքաշինության, տեխնիկական և հրդեհային անվտանգության տեսչական մարմինը պարեկային ծառայողների հետ համատեղ վերահսկողական աշխատանքներ է իրականացրել Էրեբունի և Նուբարաշեն վարչական շրջաններում։
ՔՏՀԱ տեսչական մարմինը տեղեկացնում է, որ մշտադիտարկվել են նշված վարչական շրջաններով կանոնավոր և ոչ կանոնավոր ուղևորափոխադրում իրականացնող 30 տրանսպորտային միջոց։
Հայտնաբերվել է հակահամաճարակային կանոնների խախտման 4 դեպք, որոնք վերաբերել են վարորդի կողմից դիմակ չկրելուն։
Խախտումների հիմքով կազմվել են վարչական արձանագրություններ։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել