Հայաստանի դպրոցներում սեպտեմբերից կարող է վրացերեն դասավանդվել: Այս մասին Ազգային ժողով-Կառավարություն հարցուպատասխանին ասաց Կրթության, գիտության, մշակույթի և սպորտի նախարար Վահրամ Դումանյանը:

Նախարարությունն առարկայի դասավանդման ծրագիր և չափորոշիչներ է մշակում: Նրա խոսքով` վրացերենի ուսուցումը համարում են առաջնահերթություն:

«Եվ մենք այժմ վրացերենի դասավանդման ծրագիր և չափորոշիչներ ենք մշակում: Ակնկալում ենք, որ մեզ մոտ սեպտեմբերից կդասավանդվի նաև վրացերեն»,- ասաց Վահրամ Դումանյանը: