ԱՄՆ-ում կիրառման է թույլատրվել SARS-CoV-2 կորոնավիրուսի սինթետիկ հակամարմիններ պարունակող դեղամիջոց։ Դեկտեմբերի 8-ին ԱՄՆ սննդամթերքի և դեղորայքի որակի սանիտարական վերահսկողության վարչությունը (FDA) Evusheld անունը կրող դեղամիջոցի կիրառման արտակարգ թույլտվություն է տվել, որը մշակվել է AstraZeneca ընկերության կողմից։ 

FDA-ում զգուշացրել են, որ այդ դեղամիջոցը չի համարվում այլընտրանք այն մարդկանց համար, որոնց խորհուրդ է տրվում պատվաստվել կորոնավիրուսի դեմ։ Այն նախատեսված է թույլ իմունային համակարգ ունեցող մարդկանց համար, ինչպես նաև նրանց, որոնք չեն կարող պատվաստվել՝ բժշկական կամ ուժեղ ալերգիայի պատճառներով։ Evusheld-ը թույլատրվում է նշանակել 12-ից բարձր պացիենտների համար։ 

Evusheld-ը պարունակում է սինթետիկ հակամարմինների երկու տեսակների համադրություն, որոնք ներարկվում են երկու դեղաչափով՝ մեկը մյուսի հետևից։ Այդ հակամարմինները իմունային համակարգին օգնում են պայքարել կորոնավիրուսի դեմ։ FDA-ի տվյալներով՝ այդ դեղամիջոցը կես տարվա ընթացքում օգնում է պաշտպանվել կորոնավիրուսով վարակվելուց։ Այն չեն կարող օգտագործել արդեն իսկ վարակված պացիենտները։

Լուսանկարը՝ Associates Press գործակալության