Սոթք գյուղի հարակից տարածքի ջրափոսից փրկարարները դուրս են բերել քաղաքացու դի
Դեկտեմբերի 10-ին՝ ժամը 15։32-ին, Գեղարքունիքի մարզային ճգնաժամային կառավարման կենտրոն ահազանգ է ստացվել, որ Սոթք գյուղի հարակից տարածքում՝ ջրափոսում (մոտ 2-3 մ խորություն), հայտնաբերվել են քաղաքացու իրեր․ ենթադրվում է, որ քաղաքացին ընկել է փոսը։ Այս մասին հայտնում է Արտակարգ իրավիճակների նախարարությունը։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։
Փրկարարները պոմպերի օգնությամբ իրականացրել են ջրահեռացման աշխատանքներ, (մոտ 6 մետր խորություն), հայտնաբերել և ջրափոսից դուրս են բերել քաղաքացու (Գ․ Ա․, ծնված 1995 թ․) դին։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել