Դեկտեմբերի 11-ին ժամը 13։05-ին, Արցախի ՆԳ նախարարության ԱԻ պետական ծառայության ճգնաժամային կառավարման կենտրոնում, միաժամանակ նաև ոստիկանության հերթապահ մասում հաղորդում է ստացվել, որ Ստեփանակերտ-Ննգի-Մարտունի ավտոճանապարհի 12-րդ կմ-ին, Քռասնի համայնքի վարչական տարածքում, ճանապարհի երթևեկելի գոտուց դուրս`  դաշտային հատվածում մեքենա է այրվում։ 

Արտակարգ իրավիճակների պետական ծառայության փոխանցմամբ՝ հրդեհը մեկուսացնելու և օգնություն ցուցաբերելու նպատակով անմիջապես կանչի վայր են մեկնել հրշեջ փրկարարական մեկ մարտական հաշվարկ, ճանապարհային ոդտիկանության ծառայողները, Ստեփանակերտի «Շտապ բժշկական օգնություն կայան» ՓԲԸ հերթապահ բժիշկները։

Այրվել է Մարտունու շրջանի Ճարտար քաղաքային համայնքի 37-ամյա բնակչին պատկանող «Nissan X Trail» մակնիշի ավտոմեքենան։ Բարեբախտաբար, ոչ ոք չի տուժել։ 

Ստուգմամբ զբաղվում է ծառայության պետական հրդեհային և տեխնիկական անվտանգության տեսչությունը։