Քաղաքաշինության, տեխնիկական և հրդեհային անվտանգության տեսչական մարմինը պարեկային ծառայության հետ համատեղ դեկտեմբերի 16-ին դիտարկել է Շենգավիթ վարչական շրջանի  հանրային տրանսպորտը։

Տրանսպորտի անվտանգության բաժանմունքի մասնագետները դիտարկել են Շենգավիթ վարչական շրջանով կանոնավոր և ոչ կանոնավոր ուղևորափոխադրում իրականացնող 48 տրանսպորտային միջոց։

«Հայտնաբերվել է հակահամաճարակային կանոնների խախտման 10 դեպք, որոնք վերաբերել են վարորդների կողմից դիմակ չկրելուն և գերբեռնված ուղևորափոխադրմանը։ Այդ խախտումների հիմքով կազմվել են վարչական արձանագրություններ»,- հայտնում են տեսչական մարմնից։