«Մանկական Եվրատեսիլ 2021» երգի միջազգային մրցույթում հաղթեց Հայաստանի ներկայացուցիչ Մալենան: Ժյուրիի քվեարկության արդյունքում՝ Հայաստանը երրորդ հորիզոնականում էր` 115 միավորով, իսկ հեռուստադիտողի քվեարկությամբ Հայաստանը վասատակեց ամենաբարձր՝ 109 միավորը և ընդհանուր 224 միավորով դուրս եկավ առաջին հորիզոնական։

Նշենք, որ մրցույթը տեղի էր ունենում Ֆրանսիայի մայրաքաղաք Փարիզում։

Մասնակցում էր 19 երկիր՝ Գերմանիան, Վրաստանը, Լեհաստանը, Մալթան, Իտալիան, Բուլղարիան, Ռուսաստանը, Իռլանդիան, Հայաստանը, Ղազախստանը, Ալբանիան, Ուկրաինան, Ֆրանսիան, Ադրբեջանը, Նիդերլանդները, Իսպանիան, Սերբիան, Հյուսիսային Մակեդոնիան, Պորտուգալիան: