Դեկտեմբերի 20-ին, ժամը 07։17-ին Շիրակի մարզային ճգնաժամային կառավարման կենտրոն ահազանգ է ստացվել, որ Փոքրաշեն գյուղի մոտակայքում տեղի է ունեցել ՃՏՊ: 

ԱԻՆ փոխանցմամբ՝ դեպքի վայր է մեկնել ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ Փոքրաշեն գյուղի մոտակայքում «Honda» մակնիշի ավտոմեքենան (վարորդ՝ Վրաստանի Հանրապետության քաղաքացի Վ․ Ք․, ծնված 1989 թ.) դուրս է եկել ավտոճանապարհի երթևեկելի հատվածից և մոտ 2 մ գլորվելով կողաշրջվել դաշտամիջյան հատվածում։

Փրկարարները հոսանքազրկել են ավտոմեքենան, փակել գազի բալոնի փականը և ուղղել ավտոմեքենան: