Երևան քաղաքի Աբովյան-Կորյուն փողոցների խաչմերուկում գտնվող շենքերից մեկի փողոցային հատվածում տղամարդու դի  է հայտնաբերվել։ Քննչական կոմիտեից հայտնում են, որ դեպքի հանգամանքները պարզելու նպատակով Կենտրոն և Նորք-Մարաշ վարչական շրջանների քննչական երկրորդ բաժնում նյութեր են նախապատրաստվում:

Դեպքի վերաբերյալ իրավապահները քաղաքացուց ահազանգ էին ստացել 2021թ. դեկտեմբերի 19-ին։ «Ձեռնարկված միջոցառումների արդյունքում պարզվել է, որ տղամարդը հիշյալ հասցեի բնակիչ է՝ ծնված 1939թ., ով իրեն ցած է նետել։ Նշանակվել է դիակի դատաբժշկական փորձաքննություն»,- հայտնում է ՔԿ-ն։