Արցախի ներքին գործերի նախարարության ոստիկանությունը հայտնում է, որ քաղաքացիների բանկային քարտերից կատարված հափշտակությունների դեպքերը շարունակվում են:

«Դեկտեմբերի 17-ին ժամը 15:30-ին Մարտակերտի շրջանային բաժնում զեկուցագիր է ներկայացվել, որ Ֆեյսբուք սոցիալական ցանցում գրանցված «Սև ցուցակ, Սև վարկեր» անհայտ օգտատերը հոկտեմբեր ամսին Սյունիքի մարզի Սիսիան քաղաքի բնակչուհի Հ.Ա.-ից (ծնված 1999թ.) խաբեությամբ, վստահությունը չարաշահելու եղանակով ձեռք է բերել վերջինիս պատկանող բանկային պլաստիկ քարտի տվյալները և նույն քարտից հափշտակել 120.000 դրամ գումար»,- նշվում է հաղորդագրության մեջ։

Ստուգմամբ զբաղվում է ոստիկանության Մարտակերտի շրջանային բաժինը։

Արցախի ՆԳ նախարարության ոստիկանությունը կոչ է անում չտրվել խաբկանքներին և ցուցաբերել զգոնություն: