Դեսպան Սոս Ավետիսյանն իր հավատարմագրերի պատճենն է հանձնել Իսպանիայի ԱԳՆ արարողակարգի վարչության պետին
Իսպանիայում Հայաստանի դեսպանությունը հայտնում է, որ դեսպան Սոս Ավետիսյանն այսօր իր հավատարմագրերի պատճենն է հանձնել Իսպանիայի արտաքին գործերի, Եվրոպական միության և համագործակցության նախարարության արարողակարգի վարչության պետ Մարիա Սեբաստիան դե Էրիսե Գարսիա դե լա Պենյային։
«Պաշտոնական արարողությանը հետևած առանձնազրույցի ընթացքում վերջինս շնորհավորել է ՀՀ դեսպանին նշանակման կապակցությամբ և նշել, որ իր պաշտոնավարման ընթացքում դեսպան Ավետիսյանը կարող է ապավինել Իսպանիայի արտաքին քաղաքական գերատեսչության լիակատար աջակցությանը։ Կողմերը վստահություն են հայտնել, որ հայ-իսպանական հարաբերությունները շարունակելու են զարգանալ երկկողմ հետաքրքրություն ներկայացնող մի շարք ոլորտներում»,- ասված է դեսպանատան ֆեյսբուքյան էջի գրառման մեջ։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել