Տոնական միջոցառումներ՝ Սյունիքի և Տավուշի սահմանամերձ բնակավայրերի երեխաների համար
Ամանորի և Ծննդյան տոների նախաշեմին Հայաստանի Հանրապետության նախագահ Արմեն Սարգսյանի աշխատակազմը տոնական միջոցառումներ է կազմակերպել Սյունիքի և Տավուշի մարզերի 16 սահմանամերձ բնակավայրերի երեխաների համար:
Ըստ մամուլի հաղորդագրության՝ հանրապետության նախագահ Արմեն Սարգսյանի նախաձեռնությամբ, սահմանամերձ բնակավայրերի փոքրիկները տոների նախօրյակին ավանդաբար հյուրընկալվում են նախագահական նստվայրում: Այս անգամ փոքրիկների համար ամանորյա տոնական միջոցառումները կազմակերպվել էին տեղերում՝ հնարավորություն ընձեռելով գյուղերի բոլոր փոքրիկ բնակիչներին դիտելու ու նաև՝ մասնակից լինելու ներկայացումներին:
«Ձմեռ Պապի և հեքիաթների այլ հերոսների մասնակցությամբ ամանորյա շոու-ծրագրերը տոնական տրամադրություն են պարգևել երեխաներին: Նախագահի աշխատակազմի կողմից նշված բնակավայրերի երեխաներին նաև նվեր-փաթեթներ են տրամադրվել»,- նշված է նախագահի աշխատակազմի տարածած հաղորդագրության մեջ:
Մեկնաբանել