«Կարմիր գրքում» գրանցված գորշ արջի քոթոթն ընկել է ինքնաշեն թակարդն ու սատկել
Այսօր Արագածոտնի մարզի Օհանավան գյուղի տներից մեկի տնամերձ հողամասերից մեկում քաղաքացու կողմից պատրաստված ու տեղադրված մետաղական լարով ինքնաշեն թակարդում հայտնաբերվել է «Կարմիր գրքում» գրանցված գորշ արջի քոթոթ, որը փորձել էր ազատվել թակարդից, սակայն խեղդամահ է եղել։
Փաստի առթիվ ոստիկանության Աշտարակի բաժնի հետաքննական բաժանմունքում նյութեր են նախապատրաստվում։
«Անընդունելի է Հայաստանի «Կարմիր գրքում» գրանցված որևէ կենդանատեսակի հանդեպ ոտնձգությունը, քանի որ Հայաստանի բնաշխարհը բնակեցնող յուրաքանչյուր կենդանի մեր երկրի էկոհամակարգի անքակտելի մասն է»,- նշվում է Շրջակա միջավայրի նախարարության տարածած հաղորդագրության մեջ։
Նախարարությունը հիշեցնում է, որ Հայաստանի կենդանիների «Կարմիր գրքում» գրանցված գորշ արջ սպանելու համար նախատեսված է պատասխանատվություն Քրեական օրենսգրքով։
Մեկնաբանել