Առնվազն 7 մարդ է զոհվել Բրազիլիայի հարավ-արևելքում գտնվող Ֆուրնաշ լճում ժայռի մեծաբեկորի փլուզման հետևանքով, որն ընկել է զբոսաշրջիկներ տեղափոխող մոտորանավակների վրա։ Այդ մասին հայտնում է BBC-ն։ Եվս երեք մարդ անհետ կորել է, իսկ 32-ն ստացել տարբեր աստիճանի մարմնական վնասվածքներ։ 9-ի մոտ վնասվածքնրերը լուրջ են, նրանք գտնվում են հիվանդանոցում։

?? Tremendo los sucedido en Minas Gerais, en el lago Capitolio.

Una enorme roca se desprende del cañon y cae sobre las embarcaciones. Hay personas fallecidas y al menos 15 heridos. pic.twitter.com/eRLYmFhiqA

— Dani Lerer (@danilerer) January 8, 2022

Զբոսաշրջիկները դիտում էին լճի վրա գտնվող ջրվեժը։ Հանկարծ քարե մեծաբեկորը պոկվել է կանյոնի պատից և ընկել զբոսաշրջային մի քանի մոտորանավակների ուղղությամբ՝ մեծ ալիք առաջացնելով լճի վրա։ 

Զբոսաշրջիկներից մի քանիսը հասցրել են նկարել ժայռաբեկորի անկման պահը, որը շատ արագ տարածվել է լրատվամիջոցներով և սոցիալական ցանցերում։ Ամենայն հավանականությամբ, մոտորանավակներից մեկը խորտակվել է, մյուսները կարողացել են փրկվել։

CLIFF COLLAPSE: At least six people were killed, dozens injured and nearly 20 people are missing after a part of a cliff collapsed on tourist boats in Brazil. pic.twitter.com/AQC5mV3Pht

— CBS Evening News (@CBSEveningNews) January 9, 2022

Ինչպես ոստիկանությունից հայտնել են լրագրողներին, ևս երեք մոտորանավակ տուժել է թափվող քարերից։ Փլուզումը տեղի է ունեցել տեղի ժամանակով 11:00-ին։

Reuters գործակալությունը հայտնում է, որ մինչ այս դեպքը, շուրջ երկու շաբաթ, Բրազիլիայի արևելքում գտնվող Մինաս Ժերայս նահանգում գրանցվել են հորդառատ անձրևներ։ Փրկարարները լրագրողներին հայտնել են, որ դա նպաստել է ժայռի փլուզմանը։ 

Ֆուրնաշ լիճը ի հայտ է եկել 1958 թվականին հիդրոէլեկտրակայանի կառուցման ժամանակ և համարվում է զբոսաշրջային հայտնի տեսարժան վայր։ Լիճը գտնվում է Սան Պաուլուից մոտ 420 կիլոմետր դեպի հյուսիս։ 

Այն մասին, թե ինչքան կձգվեն անհետ կորածների որոնումները, դեռևս չի նշվում։ Երեկոյան սուզորդները ստիպված են եղել հետաձգել որոնողական աշխատանքները։

Լուսանկարը՝ Associated Press գործակալության