«Արմավիր» ՔԿՀ-ում շաքարավազի միջից հայտնաբերվել են կասկածելի փաթեթներ
2022 թվականի հունվարի 7-ին՝ ժամը 17:00-ի սահմաններում, Արդարադատության նախարարության «Արմավիր» քրեակատարողական հիմնարկի ծառայողները զննության են ենթարկել քաղաքացի Ա. Մ.-ի կողմից կալանավորված անձ Ս. Գ.-ի անվամբ բերված հանձնուքը:
Քրեակատարողական ծառայության փոխանցմամբ՝ քննությամբ հանձնուքում առկա շաքարավազի միջից հայտնաբերվել են ընդհանուր 4,8 գրամ քաշով, սպիտակ, բյուրեղանման զանգվածներով առանձնացված փաթեթներ:
Փաստի առթիվ նախապատրաստվում են նյութեր, նշանակվել է դատաքիմիական փորձաքննություն:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել