ՃՏՊ Երևան-Սևան ավտոճանապարհին․ կա մեկ տուժած և մեկ զոհ
Հունվարի 18-ին, ժամը 15:11-ին Երևան-Սևան ավտոճանապարհին՝ «Վերին Ախտա» հացատան մոտակայքում տեղի է ունեցել ճանապարհատրանսպորտային պատահար։ Արտակարգ իրավիճակների նախարարության տեղեկացմամբ՝ կա մեկ տուժած եւ մեկ զոհ։
Դեպքի վայր մեկնած փրկարարները պարզել են, որ Երևան-Սևան ավտոճանապարհի 43-րդ կմ-ին բախվել են «Lada Priora» (վարորդ՝ Օ․ Գ․, ծնված 1983 թ․) և «VAZ-2106» (վարորդ՝ Գ․ Վ․) մակնիշների ավտոմեքենաները։
Մինչ փրկարարների կանչի վայր հասնելը «Lada Priora» մակինշի ավտոմեքենայի ուղևոր Մ․ Հ․-ն (ծնված 1974 թ․) տեղի ուժերով դուրս է բերվել ավտոմեքենայից, սակայն հոսպիտալացման ճանապարհին մահացել է:
Փրկարարները հոսանքազրկել են ավտոմեքենաները, փակել գազի բալոնների փականները և «Lada Priora» մակնիշի ավտոմեքենայի վարորդ Օ․Գ․-ին մոտեցրել շտապօգնության ավտոմեքենային։ Նա հոսպիտալացվել է Հրազդանի ԲԿ, որտեղ բժիշկները նրա առողջական վիճակը գնահատել են բավարար:
Մեկնաբանել