Ազգային ժողովը Հովհաննես Խաչատրյանին ընտրեց Կենտրոնական բանկի փոխնախագահ: ԱԺ հաշվիչ հանձնախմբի նախագահ Նարեկ Բաբայանը ներկայացրեց փակ-գաղտնի քվեարկության արդյունքները:

ԱԺ 105 պատգամավորից քվեարկությանը մասնակցել է 70-ը, կողմ է քվեարկել 65, դեմ` 5 պատգամավոր: Հովհաննես Խաչատրյանի թեկնածությունն առաջադրել էր «Քաղաքացիական պայմանագիր» խմբակցությունը:

Խաչատրյանը տնտեսագիտության մագիստրոս է, 2020-ի հուլիսից ԿԲ խորհրդի անդամ է, 2002-2008 թվականներին աշխատել է ԿԲ-ում, 2008-ից 2020-ը աշխատել է «Ամերիաբանկում»: