ԱՄՆ ռազմական օգնության առաջին մասը հասել է Կիև
Ուկրաինա է ժամանել ԱՄՆ ռազմական օգնության առաջին մասը։ Այդ մասին գրառում է արել Ուկրաինայում ամերիկյան դեսպանությունը։
Перша з кількох партій пакету безпекової допомоги, нещодавно ухваленої президентом Байденом для України, сьогодні вночі прибула в Київ. Цей вантаж включає близько 200 тис. фунтів летальної зброї, зокрема боєприпасів для захисників України на лінії фронту [1/2] pic.twitter.com/6TEDKIjOFP
— U.S. Embassy Kyiv (@USEmbassyKyiv) January 22, 2022
Ամերիկացի դիվանագետները նշել են, որ առաջին օգնությունը ներառում է 200 հազար ֆունտ (մոտ 90 տոննա) թռչող սարքավորումներ, այդ թվում զինամթերք` «ռազմաճակատում գտնվող Ուկրաինայի պաշտպանների համար»։ Ընդորում, չի նշվում, թե կոնկրետ ինչ օգնություն է տրամադրել ամերիկյան կողմը։
«Այս օգնությունը, ինչպես նաև` անվտանգության ապահովման ոլորտում 2014 թվականից Ուկրաինային տրամադրվող ավելի քան 2,7 միլիարդ դոլարի օգնությունը, ցույց է տալիս Միացյալ Նահանգների ամուր հավատարմությունը Ուկրաինայի պաշտպանության ամրապնդմանը՝ ռուսական աճող ագրեսիայի ֆոնին»,- նշվում է հաղորդագրության մեջ։
Զուգահեռաբար, ԱՄՆ պետքարտուղար Էնթոնի Բլինքենը, որը նախօրեին Ժնևում բանակցություններ էր վարել ՌԴ ԱԳ նախարար Սերգեյ Լավրովի հետ, աջակցել է ՆԱՏՕ-ի անդամ մերձբալթյան երկրներից՝ Էստոնիայից, Լատվիայից և Լիտվայից պաշտպանական զենքերի փոխանցումն Ուկրաինային։ Նա դա անվանել է անհրաժեշտ պայման, որ Ուկրաինան կարողանա «իրեն պաշտպանել Ռուսաստանի չհրահրված և անպատասխանատու ագրեսիայից»։
I expedited and authorized and we fully endorse transfers of defensive equipment @NATO Allies 🇪🇪 🇱🇻 🇱🇹 are providing to Ukraine to strengthen its ability to defend itself against Russia’s unprovoked and irresponsible aggression. https://t.co/wFOLv0Wi2V
— Secretary Antony Blinken (@SecBlinken) January 22, 2022
Այսպես է Բլինքենը մեկնաբանել Էստոնիայի պաշտպանության նախարարության հայտարարությունն այն մասին, որ ՆԱՏՕ-ի մերձբալթյան երկրների զինծառայողներն ստացել են Վաշինտոնի հավանությունը՝ Ուկրաինա զենք մատակարարելու համար։
Էստոնիայի պաշտպանության նախարար Կալե Լանետը, Լատվիայի պաշտպանության նախարար Արտիս Պաբրիկսը և Լիտվայի պաշտպանության նախարար Արվիդաս Անուշաուսկասը հայտարարությամբ իրենց աջակցությունն էին հայտնել Ուկրաինային։ Նրանք հայտարարել էին, որ ստացել են Միացյալ Նահանգների թույլտվությունը զենք ուղարկելու Ուկրաինա և օպերատիվ կերպով կանեն դա։
Էստոնիան կմատակարարի շարժական հակատանկային հրթիռային «Ջավելին» համակարգեր, իսկ Լատվիան և Լիտվան՝ շարժական զենիթահրթիռային «Սթինգեր» համալիրներ։ Երկուսն էլ արտադրվում են Միացյալ Նահանգներում։
Ընդ որում, Բալթյան երկրների պաշտպանության նախարարները հույս ունեն, որ Ուկրաինան ստիպված չի լինի կիրառել այդ համակարգերը։ Ավելի վաղ, Մեծ Բրիտանիան Ուկրաինայի բանակին էր փոխանցել հակատանկային հրթիռային NLAW համալիրներ։
Այդուհանդերձ, ԱՄՆ-ն և ՆԱՏՕ-ի անդամ մյուս երկրները բացառում են իրենց զինծառայողներին Ուկրաինա ուղարկումը, եթե սկսվի ռուս-ուկրաինական մասշտաբային պատերազմ։ Իր հերթին Մոսկվան Արևմուտքին մեղադրում է Ուկրաինայի ռազմականացման և նրան ՆԱՏՕ «ներքաշելու մեջ»։
Լուսանկարը՝ Reuters գործակալության
Մեկնաբանել