Արագածոտնի մարզի դատավոր Արթուր Մարգարյանի լիազորությունները դադարել են
Արագածոտնի մարզի ընդհանուր իրավասության դատարանի դատավոր Արթուր Մարգարյանի լիազորությունները դադարել են: Այս մասին տեղեկանում ենք court.am կայքից: Դատավորի լիազորությունները դադարել են՝ իր դիմումի համաձայն:
«Հիմք ընդունելով Արագածոտնի մարզի առաջին ատյանի ընդհանուր իրավասության դատարանի դատավոր Արթուր Ալբերտի Մարգարյանի կողմից 2022 թվականի հունվարի 31-ին ստացված հրաժարականի վերաբերյալ դիմումը և ղեկավարվելով «Հայաստանի Հանրապետության դատական օրենսգիրք» սահմանադրական օրենքի 89-րդ հոդվածի 1-ին մասի 9-րդ կետով, 160-րդ հոդվածի 1-ին մասի 1-ին կետով և 2-րդ մասով, 94-րդ հոդվածի 1-ին մասով` Բարձրագույն դատական խորհուրդը որոշում է
- 2022 թվականի փետրվարի 7-ից Արագածոտնի մարզի առաջին ատյանի ընդհանուր իրավասության դատարանի դատավոր Արթուր Ալբերտի Մարգարյանի լիազորությունները համարել դադարած»,- ասված է ԲԴԽ որոշման մեջ:
Դատավոր Արթուր Մարգարյանը մեզ փոխանցեց, որ դիմումը պայմանավորված է առողջական խնդիրներով, հրաժարականի որևէ այլ պատճառ չկա:
Նշենք, որ Արթուր Մարգարյանն Արագածոտնի մարզի ընդհանուր իրավասության դատարանի դատավոր է նշանակվել 2011 թ. հոկտեմբերի 17-ին: 2018 թվականի հուլիսի 17-ին նա նշանակվել է Արագածոտնի մարզի առաջին ատյանի ընդհանուր իրավասության դատարանի նախագահ՝ երեք տարի ժամկետով: Այս պահին Մարգարյանը դատարանի նախագահ չէր:
Մեկնաբանել