Պաշտպանության նախարարությունը հայտնում է, որ շարունակվում է նախարար Սուրեն Պապիկյանի աշխատանքային այցը հարավային սահմանագոտի։

Նշվում է, որ փետրվարի 8-ին Սուրեն Պապիկյանն այցելել է հարավային ուղղությամբ տեղակայված մի շարք զորամասեր, հետևել ընթացող վերանորոգման և կառուցապատման աշխատանքներին:

«Պաշտպանական գերատեսչության ղեկավարը, զորամասերի հրամանատարական կազմի հետ հանդիպումների ընթացքում, ծառայության համար պատշաճ կենցաղային պայմանների առկայությունից բացի, առանձնահատուկ կարևորել է զինծառայողների գիտելիքների և մարտունակության մակարդակի կտրուկ բարձրացման անհրաժեշտությունը:

Սուրեն Պապիկյանն այցելել է մարտական հենակետեր, տեղում ծանոթացել ընթացող ամրաշինական աշխատանքներին, կենցաղային պայմաններին և մարտական հերթապահություն իրականացնող անձնակազմի բարոյահոգեբանական վիճակին։

Պաշտպանության նախարարը զորամիավորման հրամանատարական կազմին և ենթակա զորամասերի հրամանատարներին տվել  է հանձնարարականներ և ցուցումներ` աշխատանքային շրջայցի ընթացքում արձանագրված խնդիրները սեղմ ժամկետներում վերացնելու վերաբերյալ»,- նշվում է հայտարարության մեջ:

Նշենք, որ ավելի վաղ Պաշտպանության նախարարությունը հայտնել էր, որ նախարար Սուրեն Պապիկյանը փետրվարի 7-ին այցելել է հարավային ուղղությամբ տեղակայված զորամասեր։