Հարուցված քրեական գործի շրջանակներում՝ փետրվարի 8-ին Արարատի և Վայոց ձորի մարզերի ընդհանուր իրավասության դատարանի որոշմամբ ոստիկանության Արտաշատի բաժնի ծառայողները խուզարկել են Այգեզարդ գյուղի տունն ու կից շինությունները:

Ըստ ոստիկանության հաղորդագրության՝ ավտոտնակում հայտնաբերվել է «Կալաշնիկովի» ինքնաձիգի 31 փամփուշտ, իսկ բակից՝ մետաղյա մահակ: Իրավապահները խուզարկությամբ տան տարբեր հատվածներից հայտնաբերել են 5 փաթեթ՝ ընդհանուր մոտ 150 գրամ չորացված, մանրացված թմրամիջոցի նմանվող զանգվածներով և մոտ 20 սմ կանեփի չորացած ճյուղ: Ըստ տանտիրոջ՝ բուսական զանգվածները թմրամիջոց են, իսկ փամփուշտները գտել էր տարիներ առաջ՝ Արցախում։

«Նշանակվել են փորձաքննություններ: Հարուցված քրեական գործի նախաքննությունը շարունակվում է»,- ասված է ոստիկանության հաղորդագրության մեջ: