![](/static/articles/14/10/l-Ha5RNtqcE0.jpg)
«ՀԺ». Փողերդ` իմ բանկում
Երևանի քաղաքապետարանի կրթության վարչության պետ Գայանե Սողոմոնյանը երեկ «ՀԺ»-ի թղթակցի հետ զրույցում հաստատել է, որ քաղաքապետարանին ենթակա բոլոր դպրոցների արտաբյուջետային հաշիվները «Առեքսիմբանկում» են:
Սա ուշագրավ է նրանով, որ այդ բանկը պատկանում է ռուսական «Գազպրոմին»: Այն «Գազպրոմին», որին պատկանում է նաև «Հայռուսգազարդը»: Իսկ Երևանի ներկայիս քաղաքապետ Կարեն Կարապետյանը «Հայռուսգազարդի» նախկին գլխավոր տնօրենն է և հիմա էլ համարվում է «Հայռուսգազադի» ստվերային ղեկավարը:
Այլ կերպ ասած, քաղաքապետարանի ենթակայության դպրոցների արտաբյուջետային հաշիվները այնքան էլ պատահականորեն չեն հայտնվել «Առեքսիմբանկում», և Երևանի գործող քաղաքապետը այդ հարցում շահագրգռվածություն ունի:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել