Քաղաքաշինության, տեխնիկական և հրդեհային անվտանգության տեսչական մարմինն այսօր՝ փետրվարի 11-ին վերահսկողական աշխատանքներ է  իրականացրել Երևանի Էրեբունի վարչական շրջանում։ 

Ըստ տեսչական մարմնի հաղորդագրության՝ տրանսպորտային անվտանգության մասնագետների կողմից դիտարկվել է Էրեբունի վարչական շրջանով ուղևորափոխադրում իրականացնող 37 տրանսպորտային միջոց, որի արդյունքում հայտնաբերվել է հակահամաճարակային կանոնների խախտման 4 դեպք, որոնց հիմքով կազմվել են վարչական արձանագրություններ։

Տեսչական մարմնից հայտնում են, որ փետրվարի 1-11-ն ընկած ժամանակահատվածում դիտարկվել է մայրաքաղաքի 12 վարչական շրջաններով ուղևորափոխադրում իրականացնող 373 տրանսպորտային միջոց, կազմվել 35 վարչական արձանագրություն։ 

Հանրային տրանսպորտի նկատմամբ վերահսկողությունը կլինի շարունակական։