«ՉԻ»-ի իրազեկ աղբյուրների փոխանցմամբ' Ազգային անվտանգության ծառայությունը շուրջ կես տարի գաղտնալսել է հանցավոր խումբ կազմած ոստիկանության մի քանի աշխատակցի հեռախոսազրույցները և հետևել նրանց կապերին' հենվելով իր ունեցած օպերատիվ տվյալների վրա: Խոսքը վերաբերում է բավականին բարձր վճարի դիմաց Հայաստանից Հունաստան մարդկանց կազմակերպված փոխադրելուն:

Հանցագործ ոստիկանները համագործակցել են Հունաստանի դեսպանության որոշ աշխատակիցների հետ: «ՉԻ»-ի ունեցած տեղեկություններով' այս գործի շրջանակներում երկու ամիս առաջ արդեն ձերբակալվել է դեսպանատան չորս աշխատակից:

Ձերբակալվել է նաև «վիզայի» գործ անող վեց ոստիկան, այդ թվում ' «Օրջոնիկիձեի Անոն» (Էրեբունու ոստիկանության հաշվապահը), որի վրա է եղել «կլիենտ» գտնելը, այսինքն' մարդկանց հավաքագրելը:

Խոսվում է 4-5 հազար եվրո «սակագնով» մոտավորապես 200 հոգու այդ ճանապարհով արտերկիր ուղարկելու մասին: