Քաղաքացին ԱԱԾ-ին «Մերսեդես» է նվիրել
Հրազդան քաղաքի բնակիչ Արթուր Հովասյանը Ազգային անվտանգության ծառայությանն է նվիրել իրեն պատկանող «Mercedes-Benz Viano 3.5» մակնիշի մեքենան։
Կառավարությունը փետրվարի 17-ի նիստում գույքը որպես նվիրատվություն ընդունելու և ԱԱԾ-ին ամրացնելու որոշման նախագիծն ընդունեց։
Ըստ նախագծի հիմնավորման՝ Ազգային անվտանգության ծառայություն է դիմել քաղաքացի Արթուր Հովասյանը և տեղեկացրել, որ 2017 թվականից սեփականության իրավունքով իրեն պատկանող «Mercedes-Benz Viano 3.5» մակնիշի մեքենան ցանկանում է նվիրել ԱԱԾ-ին։
2011 թվականի արտադրության մեքենայի արժեքը մոտ 20 000 դոլար է։
Թե ինչու է քաղաքացին որոշել իրեն պատկանող թանկարժեք մեքենան նվիրել ԱԱԾ-ին, հայտնի չէ։
ԱԱԾ լրատվական բաժնից «Հետք»-ին հայտնեցին, որ եթե հարցը չզեկուցվող է եղել, ավելին ասել չեն կարող և առաջարկեցին մեզ գրավոր հարցմամբ դիմել, ինչն էլ առաջիկայում կանենք։
Մեկնաբանել