ԱԺ նախագահի ժամանակավոր պաշտոնակատար Հակոբ Արշակյանը նորմալ է վերաբերվում այն իրողությանը, որ Հայաստանի ռազմավարական դաշնակից Ռուսաստանը ռազմական համագործակցության հռչակագիր է ստորագրել Ադրբեջանի հետ:

«Ես պիտի խնդրեմ, որ հարգենք բոլոր երկրների սուվերեն իրավունքները»,-խորհրդարանում լրագրողների հետ զրույցում այսպես արձագանքեց Արշակյանը:

Հակոբ Արշակյանը կոչ է անում հաշվի առնել, որ բոլոր երկրներն ունեն իրենց արտաքին քաղաքականությունը վարելու իրավունք:

«Թե՛ Ադրբեջանը, թե՛ ՌԴ-ն, թե՛ Հայաստանը սուվերեն երկրներ են և իրենց սուվերեն իրավունքն արտաքին հարաբերություններում իրացնում են իրենց շահերից ելնելով: Եթե կարծում եք, որ Հայաստանը կարող է իր որևէ գործողությունով ազդել նմանատիպ գործընթացների վրա, կարծում եմ՝ պետք չէ գերագնահատել այդ բոլոր իրողությունները»,- եզրափակեց նա: