Կենտրոնական բանկը (ԿԲ) տեղեկացնում է, որ Հայաստանում գործող «ՎՏԲ-Հայաստան Բանկ» ՓԲԸ-ն ստեղծված է ՀՀ օրենսդրությամբ, կարգավորվում ու վերահսկվում է ՀՀ կենտրոնական բանկի կողմից։ 

«Ներկա իրավիճակում «ՎՏԲ-Հայաստան Բանկի» ծառայությունները և գործիքները հաճախորդներին հասանելի են լինելու ամբողջությամբ, բացառությամբ  փոխանցումների որոշ սահմանափակումների, որոնց մասին ավելի մանրամասն կարող եք ծանոթանալ բանկի պաշտոնական կայքում: 

«ՎՏԲ-Հայաստան Բանկն» ունի բավարար իրացվելիություն և կապիտալ սպասարկելու իր բոլոր պարտավորությունները։ Բանկին հասանելի են նաև Կենտրոնական բանկի կողմից իրացվելիության տրամադրման մշտական հնարավորության գործիքները»,- ասված է ԿԲ հաղորդագրությունում: