Մարտի 1-ից «Ժոնգ տոնգ» մակնիշի նոր ավտոբուսային երթուղիներով կփոխարինվեն համար 31 և 8 միկրոավտոբուսային երթուղիները: Այս մասին հայտնում է Երեւանի քաղաքապետարանը։

«Հաշվի առնելով, որ Երևանում 8 համարի ներքո արդեն իսկ գործող ավտոբուսային երթուղի կա, փոխարինված երթուղին այսուհետ կգործի 11 համարի ներքո: Գործող ուղեգծին զուգահեռ 11 համարի երթուղում ներառվել են նաև Բագրատունյաց և Արշակունյաց պողոտաները: Նոր ավտոբուսներով հերթական երթուղիների սպասարկումը նախատեսվում է ապրիլի 1-ին»,- ասված է քաղաքապետարանի տարածած հաղորդագրության մեջ: