Մայիսի 8-ին Եղիշե Չարենցի տուն-թանգարանում կբացվի ՀՀ ժողովրդական նկարիչ, Չարենցի մեծ բարեկամ, տարեկից, ծնունդով շուշեցի Միքայել Արուտչյանի ստեղծագործությունների անհատական ցուցահանդեսը: Այն նվիրվում է Մ. Արուտչյանի ծննդյան 115 և Շուշիի ազատագրման 20-րդ տարեդարձին:

Ցուցադրությունում կներկայացվի նկարչի՝ 20-րդ դարի 20-60-ական թթ. թվով 40 գրաֆիկական բարձրարվեստ աշխատանք, որից շատերը կցուցադրվեն առաջին անգամ:

ՀՀ մշակույթի նախարարության տեղեկացմամբ՝ ցուցահանդեսն անցկացվում է տուն-թանգարանի տնօրինության և Արուտչյան գերդաստանի ջանքերով՝ ներկայացնելով Չարենցի տուն-թանգարանի և նկարչի ընտանեկան հավաքածուները: