Բորիս Ջոնսոնը մշակել է Ուկրաինա Ռուսաստանի ներխուժմանը հակադարձելու վեց կետից բաղկացած պլան։ Այդ մասին հայտնում է Reuters գործակալությունը։

«Բավարար չէ մեր աջակցությունը հայտնել միջազգային կարգին, որը հիմնված է կանոնների վրա։ Մենք պետք է պաշտպանենք այդ կարգը՝ ռազմական ուժի օգնությամբ կանոնները վերաշարադրելու մշտական փորձերից»,- հայտարարել է Մեծ Բրիտանիայի վարչապետ Բորիս Ջոնսոնը։

Նրա ռազմական պլանը, որը բացառում է Արևմուտքի ռազմական միջամտությունը Ուկրաինայում մարտական գործողություններին, այս տեսքն ունի.

• Ուկրաինային հումանիտար օգնության ցուցաբերման համար միջազգային կոալիցիայի ձևավորում։
• Ուկրաինայի ինքնապաշտպանությանն աջակցություն։
• Ռուսաստանի վրա տնտեսական ճնշման ուժեղացում։
• Ուկրաինայում ռուսական գործողությունների «սողացող կարգավորման» կանխարգելում։
• Եվրատլանտյան ողջ տարածաշրջանում անվտանգության և կայունության ամրապնդում։
• Կիևի ամբողջական մասնակցությամբ ապասրմանն ուղղված դիվանագիտական ճանապարհների կիրառում։

Առաջիկա օրերին Բորիս Ջոնսոնը մտադիր է իր պլանը քննարկել Կանադայի, Նիդերլանդների, Չեխիայի, Հունգարիայի, Լեհաստանի և Սլովակիայի առաջնորդների հետ։

Լուսանկարը՝ Jeff J Mitchell/Getty Images