Ուկրաինացի փախստականների թիվը գերազանցել է 1,5 միլիոնը։ Այդ մասին թվիթերյան իր միկրոբլոգում հայտնել է ՄԱԿ-ի փախստականների հարցերով բարձագույն հանձնակատար Ֆիլիպո Գրանդին։

More than 1.5 million refugees from Ukraine have crossed into neighbouring countries in 10 days — the fastest growing refugee crisis in Europe since World War II.

— Filippo Grandi (@FilippoGrandi) March 6, 2022

«Ուկրաինայից ավելի քան 1,5 միլիոն փախստական 10 օրվա ընթացքում տեղափոխվել է հարևան երկրներ։ Սա Երկրորդ համաշխարհային պատերազմի ժամանակներից ի վեր Եվրոպայում փախստականների հետ կապված ամենաարագ աճող ճգնաժամն է»,- գրում է Գրանդին։

Ուկրաինացի փախստականները շարժվում են Լեհաստան, Հունգարիա, Ռումինիա, Մոլդովա և եվրոպական մյուս երկրներ։ 

Եվրամիությունը որոշել է, որպես հումանիտար օգնություն, այդ երկրներին հատկացնել 500 միլիոն եվրո։ Եվրոպական հանձնաժողովի նախագահ Ուրսուլա ֆոն դեր Լյայենը հայտնել է, որ այդ գումարը կդառնա առաջին փոխանցումը։ Նրա պնդմամբ՝ Եվրամիությունը կշարունակի աջակցել Ուկրաինային։

Լուսանկարը՝ Associated Press գործակալության