Կառավարությունը պահուստային ֆոնդից 114 մլն 781 հազ. դրամ կուղղի պետական սեփականություն հանդիսացող կառույցների ու տարածքների պայմանների բարելավմանը։ Գործադիրն այս նպատակով մարտի 10-ի նիստում փոփոխություններ կատարեց «Պետական բյուջեի մասին» օրենքում։

«Էներգետիկ ծառայություններ», «Արտասահմանյան գործուղումների գծով ծախսեր», «Շենքերի և կառույցների ընթացիկ նորոգում և պահպանում» հոդվածներով նախատեսված գումարները կառավարությունը նվազեցրեց՝ ուղղելով այս միջոցառմանը։

Որոշման նախագծի 2-րդ և 3-րդ կետերը գաղտնի են։ Այլ մանրամասներ նախագծում չկան։