Ռուսաստանում Հայաստանի դեսպանատունը տեղեկացնում է, որ դեսպանությունում Հայաստանի Հանրապետության քաղաքացիություն ստանալու, ինչպես նաև քաղաքացիությունը դադարեցնելու դիմումները մարտի 15-ից ընդունվելու են նախօրոք էլեկտրոնային հերթագրման միջոցով։

Հերթագրումն իրականացվում է բացառապես  https://e-request.am/ru կայքէջով։

Դեսպանատունը հորդորում է դեսպանություն ներկայանալ սահմանված ժամանակից 10 րոպե առաջ՝ ունենալով հերթագրումը հավաստող կտրոն և անհրաժեշտ փաստաթղթերի փաթեթը։

«ՀՀ քաղաքացիության ստանալու, ինչպես նաև դադարեցնելու սահմանված կարգին և անհրաժեշտ փաստաթղթերի ցանկին կարող եք ծանոթանալ armconsul.ru կայքէջում, որտեղ կարող եք գտնել նաև անհրաժեշտ հարցաթերթիկը, որը պետք է լրացված լինի առանց ջնջումների»,- նշվում է հայտարարության մեջ։