Միջազգային բեռնափոխադրումներով զբաղվող «Գլոբինգ» ընկերությունը տեղեկացնում է, որ բեռնափոխադրումների ոլորտում վերջին 12 ամիսներին գրանցված 42% գնաճի հետեւանքով ընկերության ծառայությունների սակագները փոփոխվել են, բայց «ընդամենը 20%-ով»։

Գնաճի հիմնական պատճառը, ըստ ընկերության, միջազգային տնտեսաքաղաքական իրավիճակն է։

Ընկերության տարածած հաղորդագրության մեջ նշված են այն փոփոխությունները, որոնք հանգեցրել են միջազգային բեռնափոխադրումների սակագների աճի։

Վառելիքի գնաճ 

Covid-ի սկզբից մինչև հիմա վառելիքի արժեքը բարձրացել է 25-35%-ով, որը կազմում է ավիաընկերությունների ծախսերի  մեկ քառորդը, հաճախ նաև՝ ավելին։

Չվերթների դեֆիցիտ

Ստեղծված իրավիճակում բեռնատար օդանավերը մեծամասամբ զբաղված են հումանիտար օգնության փոխադրումով, և  մեր ծանրոցների տեղափոխությունն իրականացվում է  այլընտրանքային ավելի թանկարժեք ուղիներով։

Արտարժույթի տատանումներ

Ինչպես նաև, շարունակվում են արտարժույթի տատանումները։ Ըստ օրենքի մենք կարող ենք ընդունել ծառայության վճարները ՀՀ դրամով, սակայն մեր ծախսերը մենք վճարում ենք տարբեր արժույթներով։