Քննչական կոմիտեն Քրեական օրենսգրքի 360.1-րդ հոդվածի 1-ին մասով քննվող քրեական գործի շրջանակներում իրականացնում է քննչական և դատավարական այլ գործողություններ՝ պարտադիր ժամկետային զինծառայող, շարքային Ալբերտ Լևոնի Սիրոյանի մահվան հանգամանքները պարզելու ուղղությամբ: Այս մասին տեղեկանում ենք Կոմիտեի մամուլի հաղորդագրությունից։ 

«Նախնական տվյալներով, 2022թ. մարտի 16-ին՝ ժամը 21:10-ի սահմաններում, ՀՀ ՊՆ N զորամասի պահպանության տեղամասի մարտական դիրքում, իրեն ամրակցված «ԱԿ-74» տեսակի ինքնաձիգից կզակի շրջանում արձակած կրակոցից հրազենային մահացու վիրավորում է ստացել պարտադիր ժամկետային զինծառայող, շարքային Ալբերտ Լևոնի Սիրոյանը: Կատարվում է նախաքննություն»,- նշված է հաղորդագրության մեջ: