«Հետք»-ը ողջ օրվա ընթացքում առցանց հետևում էր Ուկրաինայում իրադարձությունների զարգացմանը։ Մարտի 19-ի առավոտից կշարունակենք լուսաբանումը։ Հետևեք մեզ «Հետք»-ի կայքում և սոցիալական ցանցերի մեր էջերում։

22:11

Ուկրաինայի նախագահի խորհրդական Ալեքսեյ Արեստովիչի երեկոյան ճեպազրույցի գլխավոր մտքերը

• Մարիուպոլը շրջափակումից հանել դեռևս հնարավոր չէ։ Ուկրաինայի զինված ուժերի մոտակա ստորաբաժանումները մարտեր են վարում Հյուսիսային Վոլնովախայում։ Մյուս զորամասերը քաղաքից մոտ 100 կիլոմետր հեռավորության վրա են։ Ամբողջ հույսը քաղաքական որոշման վրա է։
• Ուկրաինայի ռազմաօդային ուժերը Խերսոնի մատույցներում գտնվող Չերնոբաևկա օդակայանում ոչնչացրել են ռուսական հրամանատարական կետ։ Հնարավոր է, որ զոհվել է բանակի հրամանատարը։

21:54

Գերմանական Der Spiegel-ի նոր շապիկը։

21:50

Թուրքական Anadolu գործակալությունը կադրեր է հրապարակել, որտեղ, ինչպես պնդվում է, ռուսական ուժերը ռմբակոծում են «Азовсталь»-ի գործարանը։

21:47

⚡️Ուկրաինայի զինված ուժերի գլխավոր շտաբ. «ՌԴ ռազմական ղեկավարությունը նախատեսում է Ուկրաինա ուղարկել Հայաստանում տեղակայված 102-րդ ռուսական ռազմաբազայի որոշ ստորաբաժանումներ»:

21:42

Պուտինի ու Մակրոնի բանակցություններն ըստ Ելիսեյան պալատի 

Ֆրանսիայի նախագահը «խիստ մտահոգություն» է հայտնել Մարիուպոլում առկա իրավիճակի վերաբերյալ և կոչ արել ռուս գործընկերոջը դադարեցնել քաղաքի պաշարումը, այդ թվում հաստատել հրադադար և մարդկանց հնարավորություն տալ հասանելիություն ունենալ մարդասիրական օգնությանը։

21:31

⚡️Ռուսաստանի նախագահ Վլադիմիր Պուտինն արգելել է ռուսական ֆիզիկական և իրավաբանական անձանց մասնաբաժին ձեռք բերել արևմտյան երկրներում, առանց Կենտրոնական բանկի թույլտվության։

21:24

Ուկրաինայի նախագահի գրասենյակի ղեկավար Միխայիլ Պոդոլյակը ռուս-ուկրաինական բանակցությունների մասին

Ռուսական կողմը հայտարարությունները դա միայն նրանց դիմումներն են։ Բոլոր այդ հայտարարություններն ունեն նպատակ, որոնց թվում է մեդիայում լարվածության հարուցումը։ Մեր դիրքորոշումները չեն փոփոխվել. հրադադար, զորքերի դուրսբերում և հստակ բանաձևերով անվտանգության կոշտ միջոցներ։

Статус щодо переговорів. Заяви російської сторони – це лише їхні запити. Усі заяви мають на меті, серед іншого, спровокувати напругу в медіа. Наші позиції незмінні: припинення вогню, виведення військ та жорсткі гарантії безпеки з конкретними формулами.

— Михайло Подоляк (@Podolyak_M) March 18, 2022

21:12

Պուտինն ու Մակրոնը հերթական հեռախոսազրույցն են ունեցել։ Ահա, թե ինչպես է դա նկարագրում Կրեմլը.

Նախագահները քննարկել են ռուսական և ուկրաինական ներկայացուցիչների բանակցություններում գործերի առկա վիճակը։ Այդ համատեքստում շարադրվել են հնարավոր պայմանավորվածությունների մշակման ռուսական կողմի սկզբունքային մոտեցումները։

Արձագանքելով Էմանուել Մակրոնի կողմից արտահայտված մտահոգություններին՝ Ռուսաստանի նախագահը կրկին ընդգծել է, որ հատուկ ռազմական գործողության ընթացքում զինված ուժերն անում են ամեն հնարավորինը խաղաղ բնակիչների կյանքի փրկության, այդ թվում նրանց անվտանգ տարհանման համար կազմակերպելով հումանիտար միջանցքներ։ Ընդ որում, ուշադրությունը հրավիրվել է ռազմական բազմաթիվ հանցագործությունների վրա, որոնք յուրաքանչյուր օր իրականացվում են ուկրաինական ուժայինների և ազգայնականների կողմից, մասնավորապես, Դոնբասի քաղաքների հրթիռային և հրետանային զանգվածային արկակոծումները։

20:36

ՌՊ ՊՆ երեկոյան ճեպազրույցը։ Հիմնական մտքերը.

• Գերճշգրիտ հարված է հասցվել Լվովի ավիագործարանին, ոչնչացվել է ուկրաինական մարտական ինքնաթիռների կանգառը։
• Նիկոլաևի և Վոզնեսենսկի արվարձաններում ոչնչացվել են ուկրաինական սպառազինության և ռազմական տեխնիկայի պահեստներ։
• Ուկրաինայի անվտանգության ծառայությունը սադրանք է պատրաստում Դնեպրոպետրովսկում։ Կառույցի աշխատակիցները տարհանել և ականապատել են թիվ 2 քաղաքային հիվանդանոցի մասնաշենքերից մեկը, որպեսզի այն պայթեցնեն ռուսական ցանկացած ինքնաթիռի չվերթի ժամանակ։
• «Հատուկ գործողության» մեկնարկից ի վեր ոչնչացվել է 184 անօդաչու, 1412 տանկ և այլ զրահամեքենա, ինչպես նաև համազարկային կրակի 142 ռեակտիվ համակարգ։

20:21

Վաշինգտոնն ու Պեկինը հայտնել են Ջո Բայդենի և Սի Ցզինպինի տեսակոնֆերանսի ավարտի մասին։ Այն տևել է մոտ երկու ժամ։

Միայն հայտնի է այն մասին, որ Սի Ցզինպինը հայտարարել է, որ ուկրաինական ճգնաժամն այն չէ, ինչը Չինաստանը կցանկանար տեսնել։ ՉԺՀ ղեկավարը նաև համարում է, որ ԱՄՆ-ն ու Չինաստանը պետք է ջանքեր գործադրեն գլոբալ խաղաղության ապահովման ուղղությամբ։

Ամերիկյան կողմը հայտնում է, որ Բայդենը Սի Ցզինպինին կոչ է արել օգտագործել իր ազդեցությունը Պուտինի վրա՝ Ուկրաինայում ռազմական գործողությունների դադարեցման ուղղությամբ։

Նախօրեին Սպիտակ տունը հայտնել էր, որ Բայդենը Չինաստանի առաջնորդին կզգուշացնի խուսափել Ռուսաստանին ռազմական օգնություն տրամադրելուց, հակառակ պարագայում Միացյալ Նահանգները պատասխան քայլեր կձեռնարկի նաև Չինաստանի դեմ։

20:02

Մեդինսկին այն մասին, թե ով պետք է կառավարի Դոնբասը

Դոնբասի կառավարման հարցը, այդ տարածքները, բանակցությունների հիմնական հարցն են։ Իրավամբ, մենք այդ հարցին տարբեր կերպ ենք նայում։ Ուկրաինական կողմը կարծում է, որ տարածքների կառավարման հարցը պետք է որոշվի կենտրոնացված կարգով Կիևից։ Իսկ մենք համարում ենք, որ կառավարման հարցը պետք է որոշվի Դոնբասի ժողովրդի կողմից։ Դոնբասի ժողովուրդը 8 տարի առաջ այդ հարցով իր կարծիքն արտահայտել է։ Այդ պահից սկսած, 8 տարի շարունակ, ստիպված է եղել պատերազմել՝ պնդելով սեփական որոշումները։

19:46

Վլադիմիր Մեդինսկին ռուս-ուկրաինական բանակցությունների մասին

Չեզոք կարգավիճակի և ՆԱՏՕ-ին Ուկրաինայի չանդամակցության թեմաները բանակցությունների հիմնական հարցերից մեկն են։ Սրանք այն կետերն են, որոնց շուրջ կողմերն առավելագույնս մոտեցրել են իրենց դիրքորոշումները։ Կան նյուանսներ, որոնք կապված են նրա հետ, թե անվտանգության լրացուցիչ ինչ երաշխիքներ կստանա Ուկրաինան, եթե հրաժարվի ՆԱՏՕ-ին անդամակցելուց։ 

Ինչ վերաբերում է ապառազմականացմանը, ես կասեի, հիսուն-հիսուն։ Հարցը նրանում է, որ ես իրավասու չեմ բացահայտել բանակցությունների որևէ տվյալ և դա չեմ անի. ոչ կոնկրետ թվեր, ոչ բանակցող կողմերի կոնկրետ փաստեր, բայց այս հարցում մենք ինչ-որ տեղ ճանապարհի կեսին ենք։

19:28

Սախալինի մարզի նահանգապետ Վալերի Լիմարենկոն հայտնել է Ուկրաինայում Վլադիվոստոկից պայմանագրային Ալեքսանդր Գիլևի զոհվելու մասին։

19:20

Մինչ այդ լրատվամիջոցները պարզել են, որ Լուժնիկիում իր ելույթի ժամանակ Վլադիմիր Պուտինի վերարկուն արժեցել է 1 445 000 ռուբլի։ 

19:09

ԱՄՆ պետքարտուղարությունը հայտարարել է, որ ԱՄՆ-ն աշխատում է այն ուղղությամբ, որ ընդլայնի երկրների կոալիցիան, որոնք պատժամիջոցներ են սահմանել Ռուսաստանի դեմ։

19:03

Հունաստանի վարչապետը թվիթերյան գրառում է արել, որտեղ նշել է, որ Հունաստանը պատրաստ է վերականգնել Մարիուպոլի ծննդատունը։ Ըստ նրա՝ Մարիուպոլը Ուկրաինայում հունական փոքրամասնության կենտրոնն է և «թանկ է հույների համար»։ Ավելի վաղ, Մարիուպոլի դրամատիկական թատրոնը վերականգնելու առաջարկ էր արել Իտալիան։

Greece is ready to rebuild the maternity hospital in Mariupol, the center of the Greek minority in Ukraine, a city dear to our hearts and symbol of the barbarity of the war.

— Prime Minister GR (@PrimeministerGR) March 18, 2022

18:59

YouTube-ը կարող է մինչև հաջորդ շաբաթվա վերջ արգելափակվել Ռուսաստանում։ Այդ մասին հայտնում է РИА Новости-ն՝ հղում անելով Роскомнадзор-ին մոտ կանգնած իր աղբյուրին։

18:46

Hromadske-ն հայտնում է, որ իր լրագրող Վիկտորիա Ռոշինան գերի է ընկել։

«Մարտի 12-ին մենք չենք կարողացել կապի դուրս գալ Վիկտորիայի հետ։ Ինչպես մեզ հայտնի է դարձել ականատեսներից, որոնց անունները չենք կարող հայտնել անվտանգությունից ելնելով, այդ պահին լրագրողը գտնվում էր Բերդյանսկում։ Մարտի 16-ին մենք իմացանք, որ նախօրեին (հավանաբար, մարտի 15-ին) Վիկտորիա Ռոշինային ձերբակալել է Ռուսաստանի անվտանգության դաշնային ծառայությունը։ Հիմա նրա տեղակայման մասին ոչինչ հայտնի չէ»։

Hromadske-ն գրում է, որ ձեռնարկվել են բոլոր ջանքերը, «որպեսզի ազատագրեն լրագրողին ոչ հանրային ճանապարհով», բայց դա արդյունք չի ունեցել։ Հեռուստաընկերությունը դիմել է «ուկրաինական և միջազգային հանրությանը»՝ խնդրելով տեղեկատվական աջակցությամբ օգնել Ռոշինայի ազատ արձակմանը։

18:41

Շաբաթ օրվանից ՌԴ ԿԲ պաշտոնական փոխարժեքները

18:33

Ուկրաինայի նախագահ Վլադիմիր Զելենսկին նոր տեսաուղերձ է հրապարակել։

«Ես վստահ եմ, որ, հարձակվելով մեր վրա, օկուպանտները կոչնչացնեն այն ամենը, ինչին ռուսական հասարակությունը հասել է վերջին 25 տարվա մեջ։ Եվ կվերադառնան այնտեղ, որտեղից սկսել են բարձրանալ՝ «սրընթաց 90-ականներ» (սկզնաղբյուրում՝ «лихие 90-е»)։ Բայց արդեն առանց ազատության»։

18:22

Կրեմլի պնդմամբ՝ Պուտինի ելույթը կիսատ է ցուցադրվել, որովհետև առաջացել են տեխնիկական խնդիրներ։

17:48

Լուժնիկիի համերգի տեսանյութը։ Կարծես թե այն ոչ ամբողջական է ցուցադրվել, որովհետև ընթացքում կիսատ են մնում մասնակիցների, այդ թվում Պուտինի ելույթը։

17:30

Լուժնիկիում տեղի ունեցած համերգի ժամանակ ելույթ է ունեցել Վլադիմիր Պուտինը։ 

«Ռուսաստանը քիչ բան չի արել, որպեսզի ոտքի կանգնեցնի Ղրիմն ու Սևաստոպոլը։ Նրանց անհրաժեշտ էր հանել Ուկրաինայի կազմում նվաստացուցիչ վիճակից»,- ասել է նա՝ հավելելով, որ «Ուկրաինայում գործողության նպատակը մարդկանց ցեղասպանությունից ազատումն էր»։

16:48

Բուլղարիան, Լիտվան, Լատվիան և Էստոնիան հայտարարել են ռուսաստանցի դիվանագետների արտաքսման մասին։

16:42

Ուկրաինայի պետգույքի ֆոնդի նախկին ղեկավարի առաջին տեղակալը կասկածվում է պետական դավաճանության մեջ

Ուկրաինայի գլխավոր դատախազի գրասենյակի վարկածով՝ փետրվարի 24-ին կասկածյալը «միացել է հակաուկրաինական չաթերին և Ռուսաստանի ու ինքնահռչակ ԼԺՀ-ի ու ԴԺՀ-ի ներկայացուցիչներին է փոխանցել ուկրաինական բանակի անձնակազմի և ռազմական տեխնիկայի տեղակայման վերաբերյալ տվյալներ»։ 

«Ունենալով ռազմական կրթություն՝ նա իրեն հաշիվ է տվել, որ այդ տվյալները կօգտագործվեն թշնամու կողմից՝ խաղաղ քաղաքների հետագա ռմբակոծման համար»,- հայտարարել է ուկրաինական գերատեսչությունը։

16:39

Երգչուհի Շերը հայտարարել է, որ պատրաստ է Ուկրաինայից փախստականներին ընդունել իր տանը։

I Would Like to Sponsor
Ukrainian Families in My Home.They Would Be Safe & Cared For.MANY PEOPLE IN MY POSITION NEED TO STEP UP TO THE PLATE.IF I WAS ALONE OR WITH MY CHILDREN,& WE WERE TRAUMATIZED,I WOULD
HOPE SOMEONE LIKE ME
TO TAKE CARE OF US.

— Cher (@cher) March 18, 2022

16:31

⚡️Նորվեգիան միացել է Ռուսաստանի դեմ ԵՄ մի շարք պատժամիջոցներին

Այն իր մեջ ընդգրկում է Ուկրաինայում պատերազմի որոշման կայացման հետ կապ ունեցող անձանց դեմ անհատական պատժամիջոցները, ինչպես նաև տեխնոլոգիաների, ապրանքների և ծառայությունների արտահանման սահմանափակումները։

Նորվեգիայի արտաքին գործերի նախարար Աննիկեն Հյուիթֆելդը պատժամիջոցների այդ փաթեթն անվանել է ամենամեծը, ինչը երբևէ կիրառել է այդ երկիրը։

16:25

Զելենսկի. Եվրոպական հանձնաժողովը մի քանի ամսվա ընթացքում կպատրաստի ԵՄ-ին անդամակցության Ուկրաինայի հայտի եզրակացությունը։

Мав предметну розмову з Президентом ЄК @vonderleyen. Висновок ЄК щодо заявки України на членство в #ЄС буде підготовлений протягом декількох місяців. Уряду та ЄК надано доручення. Спільно рухаємося до нашої стратегічної мети.

— Володимир Зеленський (@ZelenskyyUa) March 18, 2022

16:16

Սոբյանին. օտաերկրյա մասնակցությամբ մոտ 300 ընկերություն դադարեցրել է աշխատանքը Մոսկվայում

«Մենք հասկանում ենք, որ կարող ենք բախվել նոր մարտահրավերների և նոր խնդիրների։ Հատկապես դա վերաբերում է օտարերկրյա մասնակցությամբ ընկերություններին, իսկ այդպիսիք Մոսկվայում շատ են՝ մի քանի հազար և մոտ 300-ն արդեն այսօր հայտարարել են իրենց գործունեության դադարեցման մասին։ Թե ինչպես կշարունակվի նրանց ճակատագիրը դասավորվել, դա իրենց սեփականատերերի որոշումն է։ Մեր խնդիրն է կրճատման դեպքում մարդկանց աշխատանքով ապահովելը, որոնք այնտեղ աշխատում էին»,- ասել է Մոսկվայի քաղաքապետը։

15:53

Լվովի կենտրոնում կանգնեցրել են 109 դատարկ մանկասայլակներ՝ ի հիշատակ պատերազմի հետևանքով զոհված երեխաների։

15:34

Կիևի իշխանություններ. պատերազմի մեկնարկից ի վեր քաղաքում զոհվել է 222 մարդ, ներառյալ 60 քաղաքացիական (այդ թվում 4 երեխա)։

Վիրավորների թիվը կազմում է 889, որոնցից 241-ը քաղաքացիականներ են։ Քաղաքում վնասվել է 55 կառույց, այդ թվում 36 բնակելի շենք, 6 դպրոց և 4 մանկապարտեզ։

15:23

Ռոսկոմնադզոր. YouTube-ի ղեկավարության գործողություններն ունեն ահաբեկչական բնույթ

Ռուսական գերատեսչությունը հայտարարել է, որ YouTube-ում գովազդային հոլովակներ են տարածվում, որտեղ կոչ է արվում Ռուսաստանում և Բելառուսում «շարքից հանել երկաթուղային հաղորդակցությունը»։ «YouTube-ի ղեկավարության գործողություններն ունեն ահաբեկչական բնույթ և սպառնում են Ռուսաստանի քաղաքացիների կյանքին ու առողջությանը»,- հայտարարել է Ռոսկոմնադզորը։ 

Գերատեչսությունը նաև զգուշացրել է Google-ին, որին պատկանում է YouTube-ը, որ իրեն պատկանող ռեսուրսներում, ինչպես Meta-ի պարագայում է, «ծավալվում է ռուսական բանակի, լրատվամիջոցների և, ընդհանուր առմամբ, պետության վարկաբեկում»։

15:09

Լեհաստանում ուկրաինացի փախստակաների թիվը հատել է 2 միլիոնը

«Այսօր՝ մարտի 18-ին, Ուկրաինայից փախստականների թիվը գերազանցել է 2 միլիոնը։ Հիմնականում դրանք կանայք և երեխաներ են»,- հայտնել է Լեհաստանի սահմանապահ ծառայությունը։

UNICEF-ի տվյալներով՝ պատերազմի մեկնարկից ի վեր յուրաքանչյուր օր փախստական է դառնում միջինում ավելի քան 75 000 երեխա։ 

«Առավել շոկային թիվ. յուրաքանչյուր րոպե երկիրը լքում է 55 երեխա»,- այս շաբաթի հայտարարել էր կազմակերպության մամուլի քարտուղար Ջեյմս Էլդերը։

#Pomagamy🇺🇦
Dzisiaj tj.18.03, o godz. 09.00 liczba uchodźców z Ukrainy🇺🇦 przekroczyła 2 mln. To głównie kobiety z dziećmi.#FunkcjonariuszeSG są pierwszymi Polakami niosącymi im pomoc po przekroczeniu granicy. Często zwykłe słowa wsparcia znaczą najwięcej. pic.twitter.com/ZFligTcfxF

— Straż Graniczna (@Straz_Graniczna) March 18, 2022

15:02

Գերագույն ռադայի մարդու իրավունքների հարցերով հանձնակատար Լյուդմիլա Դենիսովա. Մարիուպոլի դրամատիկական թատրոնի ավերված շենքի ռմբապաստարանից հանվել է 130 մարդ, սակայն նկուղներում դեռ մնում են ավելի քան 1300-ը։

14:42

Մարիուպոլի դրամատիկական թատրոնը հրթիռակոծումից հետո։

14:35

Ռուսաստանում կենցաղային խոշոր տեխնիկան երեք շաբաթվա ընթացքում թանկացել է 50 %-ով, իսկ դրա նկատմամբ պահանջարկն աճել երկու անգամ։ Այդ մասին հայտնում է РИА Новости-ն՝ հղում անելով շուկայի վերլուծության վրա, որն իրականացվել է ապրանքների և գների համեմատման Price.ru ծառայության կողմից։

14:29

Դմիտրի Պեսկովը Պուտինի վերաբերյալ Ջո Բայդենի պնդումների մասին։

14:24

Ռուսաստանում երեխաներն ուղղակիորեն ներգրավված են պատերազմական ակցիաներին և Ռուսաստանի գործողություններն արդարացնող միջոցառումներին։

14:19

Պուտինը Գերմանիայի կանցլերի հետ հեռախոսազրույցի ժամանակ հայտարարել է բանակցությունների ժամանակ Կիևի «ոչ իրատեսական առաջարկների մասին»։

14:13

Ուկրաինայի նախագահի գրասենյակի ղեկավարի խորհրդական Միխայիլ Պոդոլյակի հարցազրույցի տեսատարբերակը։ Տեքստային տարբերակը կարելի է կարդալ Meduza-ի կայքում։

14:02

Լավրովի հարցազրույցից այլ մտքեր.

• Ռուսաստանի վրա պատժամիջոցներով ճնշումը շարունակվում է, սակայն ՌԴ-ն սովորել է դրան։
• ՌԴ-ի դեմ սահմանվել է ավելի քան 5 հազար անհատական պատժամիջոց, դա ռեկորդ է։
• Պատրանքը, որ Ռուսաստանը կարող է իր հույսը դնել արևմտյան գործընկերների վրա, հիմա ամբողջությամբ վերացել է։
• Արևմուտքի պատժամիջոցների ուղղությամբ մեր արձագանքը Ռուսաստանի տնտեսական ուղղության փոփոխության սկիզբն է միայն։
• Ռուսաստանը ՄԱԿ-ի Անվտանգության խորհրդում կպնդի բիոլաբորատորիաների հետ կապված իրավիճակի քննարկում։

Լավրովը հույս ունի, որ իրավիճակի կարգավորումից հետո Ռուսաստանի և Ուկրաինայի հարաբերություններն աստիճանաբար կվերադառնան նորմալ հունի։

13:55

Սերգեյ Լավրովն ավարտել է RT-ին տված իր հարցազրույցը։ Հիմնական հայտարարությունն այն է, որ Ուկրաինայի տարածք բերվող զինամթերքի բեռները կդառնան Ռուսաստանի «հատուկ գործողության» օրինական թիրախ։

13:37

Human Rights Watch. պատերազմի առաջին 11 օրերի ընթացքում Խարկովում, ենթադրաբար, սպանվել կամ վիրավորվել է 450 խաղաղ բնակիչ։

13:23

Ռամզան Կադիրովը Ջո Բայդենին «մոլագար» է անվանել, որն էլ իր հերթին Պուտինին անվանել էր «արյունալի բռնապետ և իսկական գլխատիչ»։

«Եվ այդ մոլագարը, որը հանդգնում է իրեն համաշխարհային ժանդարմ կարգել, լկտիություն ունի մեր նախագահին գնահատական տալո՞ւ։ Չկա այսօր պետությունների գործող առաջնորդների մեջ առավել ակնհայտ ռազմական և տնտեսական հանցագործ, քան Ջո Բայդենը։ Ավտորիտար ինքնակառավարողի և իշխանատենչ բռնակալի տիպիկ օրինակ է։ Ողջ քաղաքակիրթ աշխարհը դա պարզ հասկանում է։ Խնդիրը միայն նրանում է, որ ոչ բոլորն են հանդգնում բարձրաձայնել։ Բայց ամեն ինչ իր ժամանակն ունի։ Իրադարձություններից առաջ չընկնենք»,- հայտարարել է Կադիրովը։

13:11

Rutracker-ի ներկայացուցիչը Forbes-ին հայտարարել է, որ ծառայությունը հասանելի չի լինի ռուսաստանցիների համար, եթե նույնիսկ իշխանությունները արգելաբացեն այն։

Հարթակը «ներկայիս իրավիճակում չի աջակցում ռուսական իշխանությունների որևէ քայլի», ընդգծել է Forbes-ի զրուցակիցը։

12:57

Փոխանցվում է Կրամատորսկի հրթիռակոծման մասին։

12:45

Ուկրաինայի արտակարգ իրավիճակների պետական ծառայություն. 19 մարդ տուժել է, 1 մարդ զոհվել Կիևի բնակելի շենքերից մեկի վրա հրթիռի մնացորդների ընկնելու հետևանքով։

12:24

ՌԴ քննչական կոմիտեն հայտնել է Ուկրաինայի բնակչի ձերբակալության մասին, որը մեղադրվում է ծայրահեղականության մեջ՝ ռուսաստանցի զինծառայողների դեմ Instagram-ում տարածած հոլովակների համար։

12:19

Ուկրաինան բրիտանական պարբերականների առաջին էջին։

12:17

Сбербанк-ը սահմանափակել է դոլարով և ֆունտով փոխանցումների իրականացումը։

12:14

Այսօր Ռուսաստանի ողջ տարածքում ակցիաներ կլինեն ի աջակցություն Ռուսաստանին Ղրիմի միացման։

12:12

⚡️Բրիտանական Ofcom մեդիակարգավորիչը հայտարարել է Մեծ Բրիտանիայում RT հեռուստաընկերության ցուցադրման լիցենզիայի հետ կանչի մասին։

Մինչ այդ, պատերազմի մեկնարկից անմիջապես հետո, Մեծ Բրիտանիայի գլխավոր հեռուստացանցերը RT-ն հեռացրել էին հասանելի հեռուստաընկերությունների ցանկից։

12:10

Ռուսական ռազմական գերատեսչությունը քարտեզ է հրապարակել, որտեղ, ինչպես պնդվում է, երևում են «ԼԺՀ»-ի և «ԴԺՀ»-ի «ազատագրված» տարածքները։

12:02

Տեսանյութ Լվովի հրթիռակոծությունից։

11:57

Խարկովում դեռևս մարում են Եվրոպայի ամենամեծ շուկայի հրթիռակոծության արդյունքում առաջացած հրդեհը։

11:54

Ինչի պահանջարկն է մեծացել ռուսաստանցիների շրջանում (ըստ «Коммерсант»-ի տվյալների)

• հակադեպրեսանտների,
• օգտագործված սմարթֆոնների և նոթբուքերի,
• Դուբայում անշարժ գույքի։

11:51

Պետերբուրգի նահանգապետը հայտարարել է, որ քաղաքից հեռացող արևմտյան ընկերություններին փոխարինելու կգան Ուզբեկստանից, Ղազախստանից, Հնդկաստանից և արաբական երկրներից ներդրողները։

«Արդեն կան առաջարկներ, շուկան շուկա է և առաջարկները շատ են»,- «78» հեռուստաընկերության եթերում ասել է Ալեքսանդր Բեգլովը։

11:47

Լվովի ուղղությամբ ավիահարվածների տակ է ընկել նաև ավիավերանորոգման գործարանը։ Քաղաքապետ Անդրեյ Սադովոյի խոսքով՝ գործարանի շենքն ավերվել է։

11:45

Կիևի իշխանությունները հայտնել են Պոդոլսկի շրջանում բնակելի թաղամասի հրթիռակոծման մասին։

Տեղում աշխատում են փրկարարներն ու բժիշկներ։ Տուժածների թիվը ճշտվում է։

11:42

Ինչու է կարևոր Լվովը, որն այսօր ենթարկվել է հրթիռակոծության։ Բացատրում է CNN-ը.

• Տեղակայում. քաղաքը գտնվում է Լեհաստանի հետ սահմանից մոտավորապես 70 կիլոմետր հեռավորության վրա։ Քաղաքի վրա հարձակումը կարող է ունենալ միջազգային հետևանքներ։
• Փախստականներ. 700 000-ից մի փոքր ավելի բնակչություն ունեցող քաղաք է ժամանել մոտ 200 000 փախստական՝ երկրի մյուս հատվածներից։
• Լոգիստիկա. Ուկրաինայի արևմուտքով է անցնում ուկրաինական զինծառայողներին զինամթերքի մատակարարումը։
• Մշակույթ. Լվովի պատմական կենտրոնը հանդիսանում է ՅՈւՆԵՍԿՕ-ի համաշխարհային ժառանգության օբյեկտ, իսկ տեղի թանգարանում պահվում է Ուկրաինայի միջնադարյան հոգևոր արվեստի և ձեռագրերի ամենաամբողջական հավաքածուն։
• Ժամանակավոր բազա. քաղաքը դարձել է բազմաթիվ լրատվամիջոցների, կազմակերպությունների և դեսպանությունների տեղակայման վայր, որոնք ստիպված էին լքել Կիևը։

11:38

Time ամսագրի նոր շապիկը

Շապիկի հերոսուհին դարձել է Կրիվոյ Ռոգից 5-ամյա Վալերիան: Այդ քաղաքը նաև Ուկրաինայի նախագահ Վլադիմիր Զելենսկու հայրենի քաղաքն է։

Մարտի 14-ին ավելի քան 100 մարդ պարզել էին Վալերիայի լուսանկարը Լվովի օպերայի և բալետի թատրոնի մոտ։ Հենց այդ պահն էլ հայտնվել է Time-ի շապիկին։

11:36

Պուտինը դարձյալ Նաբիուլինայի թեկնածությունն է առաջադրել Ռուսաստանի բանկի նախագահի պաշտոնում։

11:33

Խարկովում հրթիռակոծվել է Ուկրաինայի նախագահին կից կառավարման ակադեմիան։

11:32

Դոնեցկի ինքնահռչակ հանրապետության ոստիկանության ներկայացուցիչը հերքում է Դոնբասի վրա ոչ թռիչքային գոտու ստեղծման լուրը։

11:30

Ինչ է կատարվել մարտի 18-ի գիշերը` հակիրճ.

• Ռուսական ուժերը շարունակել են ուկրաինական քաղաքների հրթիռահրետակոծումը։
• Մարիուպոլը շարունակում է մնալ շրջափակման և մշտական հրթիռակոծության տակ։ Տեղական դրամատիկական թատրոնի ռմբապաստարանում, որը ռմբակոծվել էր չորեքշաբթի օրը՝ մարտի 16-ին, կարող են լինել հարյուրավոր մարդիկ։ 
• Ըստ ուկրաինական կողմի՝ ռուսական բանակում խնդիրներ կան մարտական ոգու, լոգիստիկայի և մարտավարության հետ, իսկ ամերիկյան ու բրիտանական ռազմական գերատեսչություններն էլ կարծում են, որ ռուսական կողմը դանդաղեցնում է հարձակումը։
• ԱՄՆ նախագահ Ջո Բայդենն ուրբաթ օրը հեռախոսազրույց կունենա Չինաստանի առաջնորդ Սի Ցզինպինի հետ, որի ընթացքում կզգուշացնի Պեկինին ձեռնպահ մնալ Ուկրաինայի պատերազմում Ռուսաստանին հնարավոր օգնությունից։
• «Միասնական Ռուսաստան»-ը օրենսդրական փոփոխություններ է նախաձեռնել, որոնք ենթադրում են քրեական պատասխանատվություն՝ արտասահմանում ռուսական պետական մարմինների աշխատանքի վերաբերյալ կեղծ լուրեր տարածելու համար։
• S&P գործակալությունը իջեցրել է Ռուսաստանի վարկային վարկանիշը մինչև «դեֆոլտը առավել քան հավանական է» մակարդակի։
• Լվովում հնչել են պայթյունների ձայներ։ Քաղաքապետը հայտարարել է օդանավակայանի շրջանում ավիահարվածների մասին։
• Ավստրալիան, Նոր Զելանդիան և Ճապոնիան ընդլայնել են Ռուսաստանի դեմ պատժամիջոցները։
• Ռուսաստանի հարավային օդանավակայաններ թռիչքների արգելքը երկարաձգվել է մինչև մարտի 26։

Լուսանկարը՝ Dimitar Dilkoff/AFP via Getty Images