Ժամը 21։00-ի դրությամբ Մարտակերտի շրջանի բոլոր համայնքների ճանապարհները բաց են, դժվարանցանելի է բարձր լեռնային գոտիներում: Շրջանում ձյան շերտի բարձրությունը կազմում է 30-40 սմ:

Արցախի Ներքին գործերի նախարարության փոխանցմամբ՝ Մարտունու շրջանի միջհամայնքային բոլոր ճանապարհները դժվարանցանելի են: Ձյան շերտն այստեղ կազմում է 60-80 սմ:

Դժվարանցանելի են նաև Ասկերանի շրջանի ճանապարհները: Փակ են Սարուշեն եւ Մխիթարաշեն գյուղերի ճանապարհները։ Ձյան շերտը շրջանում 40-45 սմ է:

Բոլոր ճանապարհահատվածներում կատարվում են մաքրման և աղցանման աշխատանքներ։

Փակ է ՀՀ-ի հետ կապող միջպետական մայրուղու Գորիս-Սիսիան-«Զանգեր»-Սարավան հատվածը:

Այս պահին Արցախի Հանրապետության բարձր լեռնային շրջաններում տեղում է ձյուն։

ՆԳ նախարարությունը հորդորում է եղանակային պայմաններից ելնելով՝ երթևեկել միայն խիստ անհրաժեշտության դեպքում։