Մարտի 16-ից 20-ը Հայաստանի ԶՈւ ԳՇ զորքերի ծառայության վարչության սպաները ստուգայցեր են իրականացրել N զորամիավորումում։

ՊՆ հաղորդմամբ, զորամիավորման ենթակա զորամասերում և մարտական հենակետերում ստուգվել են զենք-զինամթերքի պահպանության ու պաշտպանության, ինչպես նաև զորքերի ծառայության կազմակերպման գործընթացը։ Ստորաբաժանումների հրամանատարական կազմին ցուցաբերվել է մեթոդական օգնություն, հրահանգներ են տրվել հայտնաբերված թերությունների շտկման վերաբերյալ։